ថ្នាំដុសធ្មេញ មិនត្រឹមតែជាឱថសសម្រាប់សម្អាតមាត់ធ្មេញឲ្យមានសុខភាពល្អប៉ុណ្ណោះទេ វាថែមទាំងជាឱសថដ៏អស្ចារ្យបំផុតក្នុងការកម្ចាត់មុនក្បាលខ្មៅ ដែលកើតមានឡើងនៅលើផ្ទៃមុខ បានយ៉ាងឆាប់រហ័សថែមទៀត។ ដូច្នេះអ្នកគ្រាន់តែអនុវត្តតាមដំណាក់កាលខាងក្រោម នឹងទទួលបានលទ្ធផលគួរជាទីគាប់ចិត្ត៖

១. យកច្រាស់ថ្មីដែលមានសសៃទន់ៗ ឬច្រាស់ចាស់មកត្រាំនៅក្នុងទឹកក្តៅឲ្យបាន ៥នាទី ដើម្បីសម្លាប់មេរោគ។
២. មុនពេលព្យាបាលអ្នកត្រូវស្ទើមមុខជាមួយនឹងចំហាយតែជីអង្កាម ឲ្យបាន ៥ ទៅ ១០នាទី។ ធ្វើបែបនេះដើម្បីកាត់នបន្ថយការស្ទះរន្ធញើស ហើយកាត់បន្ថយការចេញនៃមុនក្បាលខ្មៅ។
៣. លាបថ្នាំដុសធ្មេញបន្តិច (ថ្នាំដុសធ្មេញដែលមានជាតិអំបិល) នៅត្រង់តំបន់ដែលមានបញ្ហា ហើយទុកចោល ៥នាទី។
៤. បន្ទាប់មកយកច្រាស់ដុសធ្មេញ ត្រដុសថ្នមៗ។
៥. លាងជម្រះថ្នាំដុសធ្មេញជាមួយនឹងទឹកក្តៅឧណ្ឌៗ រងចាំផ្ទៃមុខស្ងួតសូមប្រើក្រែមផ្តល់សំណើមបន្ថែម។
៦. អ្នកត្រូវតែសម្អាតច្រាស់ដុសធ្មេញឲ្យស្អាត បន្ទាប់ពីប្រើប្រាស់រាល់ពេល។
៧. ធ្វើឡើងវិញ ១ ទៅ ២ ដងក្នុងមួយសប្តាហ៍អាស្រ័យទៅលើស្ថានភាពនៃស្បែករបស់អ្នក។
ចំណាំ៖ ប្រសិនបើស្បែករបស់អ្នកមានប្រតិកម្ម សូមកុំប្រើប្រាស់ឲ្យសោះ យកល្អគួរតទៅពិគ្រោះជាមួយនឹងអ្នកជំនាញរោគសើរស្បែកទើបប្រសើរ៕