រត់ជាជម្រើសដ៏ល្អ មួយសម្រាប់ការសម្រកទម្ងន់ តែក្រុមឯកទេសមួយ ចំនួនបានប្រាប់ថាវីធីហាត់ប្រាណ ៦ យ៉ាងខាងក្រោមនេះ មានប្រសិទ្ធភាព ធ្វើឲ្យលោកអ្នកស្រកទម្ងន់លឿនជាងការរត់ទៅទៀត៖

1. ឈរកន្ធែកជើងទាំង២ ហើយបន្ទន់ជង្គង់បន្តិច ក្រាបចុះហើយអាហ្វង់ ២ ដង ហើយក្រោកឡើងនិងលោតឡើងលើម្តង។ ធ្វើឲ្យបាន ១០០ ដង។

2. ឈរឲ្យត្រង់ លោតឡើងលើ តែពេលលោតត្រូវបត់ជង្គង់ ហើយទម្លាក់ដៃទាំង ២ មកប៉ះជើង។ ធ្វើដូចនេះឲ្យបានច្រើនដងតាមតែអាចធ្វើទៅបាន។

3. លោតខ្សែអន្ទាក់។ ធ្វើឲ្យបានច្រើនដង និងលឿនតាមតែអាចធ្វើទៅបាន។

4. រត់នៅមួយកន្លែង តែត្រូវលើកជង្គង់ឲ្យបានខ្ពស់ៗ។

5. លោតចម្ងាយដោយលោកអ្នកត្រូវលោតឲ្យបានឆ្ងាយតាមតែអាចធ្វើទៅបាន និងធ្វើឲ្យបានលឿន តែការធ្វើដូចនេះត្រូវការទីធ្លាធំទូលាយទើបអាចធ្វើបាន។

6. ដើរឡើងភ្នំឲ្យបានញឹកញាប់៕

ផ្តល់សិទ្ធិដោយ៖ មង្គលការ

ភាគច្រើន​ស្រ្តីទាំង​អស់​កំពុង​តែ​ប្រឈម​មុខជា​មួយ​នឹងការ​កម្ចាត់​រោម​ចេញ​នៅលើ​មុខ ​ស្ទើរតែ​គ្រប់​ពេល​វេលា។ ​អ្នកខ្លះ​ដល់​ហ៊ាន​ចំណាយ​ប្រាក់​ជាច្រើន ​ដើម្បី​ទិញ​ផលិត​ផល​យក​មក​កម្ចាត់វា ​តែ​លទ្ធផលទទួល​បាន​​មិនដូច​ការរំពឹង​ទុក​របស់​អ្នកទេ។ ​សារធាតុ​គិមី​ទាំងនេះ ​អាច​បណ្ដាល​ឲ្យមាន​ការ​ឈឺចាប់ ​និងកន្ទួល​ក្រហម​នៅលើមុខ។

សម្រាប់ហេតុផលទាំងនេះ យើងសូមផ្ដល់អនុសាសន៍ ​នូវរូបមន្ត​បុរាណ​មួយដ៏​មាន​ប្រសិទ្ធភាព ​ដែល​ត្រូវបាន​គេប្រើ​អស់​ជាច្រើន​សតវត្ស​មកហើយ​ នៅក្នុង​មជ្ឈឹម​ខាងកើត។ ​វាជា​រូបមន្ត​ធម្មជាតិ ​១០០% ​ក្នុងការ​កម្ចាត់​រោម​នៅលើមុខ​ឲ្យអស់​គ្មានសល់ ​និងមិន​បង្កឲ្យ​មានផល​ប៉ះពាល់​ដល់ស្បែក​មុខ​របស់អ្នក​ថែម​ទៀតផង។

លើពីនេះទៅទៀត វានឹងជួយស្បែកមុខរបស់អ្នកទន់ម៉ដ្ឋរលោង ​និងមាន​ពន្លឺ​ស្រស់ថ្លា ​នៃវីតាមីន ​និងសារ​ធាតុរ៉ែ​ដែលមាន​វត្តមាន​នៅក្នុង​គ្រឿងផ្សំ​នៃម៉ាស​ធម្មជាតិនេះ។

គ្រឿងផ្សំ៖
– ម្សៅអង្ករ ១ ស្លាបព្រាបាយ
– ទឹកឃ្មុំ ២ ស្លាបព្រាបាយ
– ទឹកក្រូចឆ្មា ២ ស្លាព្រាកាហ្វេ

ការរៀបចំ និងការប្រើប្រាស់៖
លាយគ្រឿងផ្សំទាំងអស់នៅក្នុងចានកូនចានមួយ កូរវាឲ្យបានល្អ​រហូត​ទទួល​បាន​ល្បាយ​ខាប់ៗ។ ​អនុវត្​តលាប​វានៅ​លើកន្លែង​ដែលអ្នក​ចង់កម្ចាត់​រោម​ចេញនៅ​លើផ្ទៃមុខ ​ហើយរក្សា​វាទុក​រយៈពេល ​១៥ នាទី ​ទើបលាង​សម្អាត​ចេញ​ជាមួយ​ទឹកក្ដៅ​ឧណ្ឌៗ។ ​បន្ទាប់ពី​ការព្យា​បាលនេះ ​អ្នកត្រូវ​អនុវត្ត​ប្រភេទ​គ្រែម​ថែរក្សា​ស្បែក​នៅលើ​មុខ​របស់អ្នក។ ​អនុវត្ត​នីតិវិធីនេះ​ឲ្យបាន ​២ ទៅ ​៣ ដង​ក្នុង​មួយ​សប្ដាហ៍ ​ហើយ​ត្រឹមតែ​រយៈពេល ​១ខែ អ្នកនឹង​អស់កង្វល់​ជាមួយ​បញ្ហារោម​នៅលើមុខ​របស់អ្នក​ជាររៀង​រហូត៕

ផ្តល់សិទ្ធិដោយ៖ មង្គលការ

ប្រសិន​បើអ្នក​មាន​បញ្ហា​ស្នាម​អុជខ្មៅ ​និងស្នាម​ជាំខ្មៅ​លើផ្ទៃ​មុខ​របស់អ្នក, ​អ្នកអាច​ធ្វើឲ្យ​វាភ្លឺថ្លា ​និងមើល​លែង​ឃើញ។ ​ជាធម្មតា ​ស្លាក​ស្នាម​លើផ្ទៃ​មុខ​បណ្តាល​មកពី​ការបញ្ចេញ​នូវជាតិ​មេឡានីន​នៅលើ​ស្បែក។

ហើយស្លាកស្នាមទាំងនេះក៏អាចកើតឡើងដោយសារត្រូវនឹងកម្តៅព្រះអាទិត្យ, ​ភាពមិន​ទៀងទាត់​នៃអរម៉ូន, ​ការមាន​ផ្ទៃពោះ, ​ឱសថ, ​កង្វះ​ជាតិវីតាមីន, ​គេងមិន​បានគ្រប់គ្រាន់ ​និងភាព​តានតឹង​ផងដែរ។

បញ្ហាទាំងនេះធ្វើឲ្យមនុស្សមានអារម្មណ៍អៀនខ្មាស់ ដែលអាចបណ្តាលឲ្យអ្នក​បាត់បង់​នូវទំនុកចិត្ត​លើខ្លួនឯង។

សំណាងល្អ មានវិធីសាស្ត្រជាច្រើនដែលអ្នកអាចកម្ចាត់បញ្ហាទាំងនេះបានដោយខ្លួនឯង​នៅផ្ទះ​យ៉ាង​ងាយ​ស្រួល។
ខាងក្រោមនេះ ជាវិធី​ងាយៗ ​និងមាន​ប្រសិទ្ធិភាព៖

ទឹកក្រូចឆ្មា
ដោយសារក្រូចឆ្មាមានផ្ទុកនូវវីតាមីន C វាអាចជួយកម្ចាត់ស្នាមអុជខ្មៅ​នៅលើផ្ទៃមុខ​របស់​អ្នកបាន។​ អ្នកត្រូវ​មាន​ធាតុផ្សំ​ ២មុខ៖ ​ទឹកក្រូចឆ្មា ​និងសំឡី​កប្បាស។ ​សំឡី​កប្បាស​ជ្រលក់​ក្នុងទឹក​ក្រូចឆ្មា ​រួចជូត​ដោយ​ផ្ទាល់​ត្រង់​កន្លែង​ស្បែក​មានបញ្ហា​របស់អ្នក។ ​ទុកវា​ឲ្យស្ងួត ​ហើយ​លាង​សម្អាត​នឹងទឹក។

អនុវត្តវិធីនេះយ៉ាងតិចណាស់ឲ្យបាន ២សប្តាហ៍ ដើម្បីទទួលបានលទ្ធផល​ដែល​ចង់បាន។ ​លើស​ពីនេះទៀត ​ប្រសិន​បើស្បែក​អ្នកងាយ​នឹងប្រតិកម្ម, ​ត្រូវលាយ​ទឹកក្រូច​ឆ្មាជាមួយ​ទឹក, ​ទឹកផ្កា, ​ឬទឹកឃ្មុំ។ ​ហើយអ្នក​ក៏អាច​ប្រើទឹក​ក្រូចជំនួស​ទឹកក្រូចឆ្មា​ក៏បាន។

ក្រែមទឹកដោះគោ
មុខងាររបស់ក្រែមទឹកដោះគោដូចគ្នានឹងមុខងាររបស់ទឹកក្រូចឆ្មាដែរ ​វាអាច​ជួយ​បំបាត់​ស្នាម​អុជខ្មៅ,​ មិនធ្វើ​ឲ្យរលាក ​ឬរោល​ស្បែក​ឡើយ។ ​វាជាអាស៊ីត​ឡាក់ទិច​ដែលអាច​ជួយឲ្យ​ស្បែក​អ្នកភ្លឺថ្លា។ ​ហើយអ្នកក៏​អាចប្រើ​ទឹកដោះគោ​ជំនួសក្រែម​ទឹកដោះគោ​ក៏បាន។
ចាក់ក្រែមទឹកដោះគោ ៤ស្លាបព្រាកាហ្វេចូលក្នុងចាន និងទឹកប៉េងប៉ោះស្រស់ ​២ស្លាប​ព្រាកាហ្វេ។​ លាយធាតុ​ផ្សំទាំងនេះ​បញ្ចូលគ្នា ​រួចលាប​លើផ្ទៃមុខ​របស់អ្នក។ ​រង់ចាំ​រយៈពេល ​១៥នាទី ​រួចលាង​សម្អាត​នឹងទឹក​ក្តៅឧណ្ហៗ។

ម្សៅអាវ័ន
ប្រសិនបើអ្នកចង់កម្ចាត់កោសិកាស្បែកងាប់, ម្សៅអាវ័នអាចជួយអ្នកបាន។ ​ប្រើម៉ាស​ម្សៅអាវ័ន​បិទលើ​ផ្ទៃមុខ ​និងក ​ដើម្បី​កម្ចាត់​កោសិកា​ស្បែកងាប់ ​និងស្នាមអុជខ្មៅ។
កិនស្រូវអូកឲ្យម៉ត់ កន្លះពែង។ បន្ថែមទឹកក្រូចឆ្មា ៣-៤ស្លាបព្រាបាយ។ ​ប្រើវា​ដុសខាត់​លើស្បែក​របស់អ្នក ​រួចលាង​សម្អាត​នឹងទឹក​ក្តៅឧណ្ហៗ។ ​ធ្វើបែបនេះ​ឲ្យបាន ​១-២ដងក្នុង ​១សប្តាហ៍។

គ្រាប់អាល់ម៉ុង
ត្រាំគ្រាប់អាល់ម៉ុង ៨-១០គ្រាប់ក្នុងទឹកដោះគោពេញមួយយប់។ ​ពេលព្រឹក​ឡើង ​ចិតសំបក​វាចេញ ​រួច​កិនវា​ឲ្យម៉ដ្ឋ។
បន្ទាប់មក បន្ថែមម្សៅឈើច័ន្ទគ្រឹស្នា ១ស្លាបព្រាកាហ្វេ និងទឹកឃ្មុំ ១/២ស្លាបព្រាកាហ្វេចូល។ ​លាយវា​បញ្ចូល​គ្នាឲ្យបាន​សព្វល្អ។ លា​បវា​លើផ្ទៃ​មុខ​របស់អ្នក ​ហើយអង្គុយ​រង់ចាំរយៈ​ពេលជាង ​២០នាទី។ ​រួចលាង​សម្អាត​វាចេញ។

ឈើច័ន្ទគ្រឹស្នា
ធាតុផ្សំមួយនេះអាចជួយកម្ចាត់ស្នាមអុជខ្មៅបានយ៉ាងមានប្រសិទ្ធិភាពបំផុត។ ​អ្នកត្រូវ​មាន​ម្សៅឈើ​ច័ន្ទគ្រឹស្នា​ ១ស្លាប​ព្រាបាយ, ​គ្លីសឺរីន ​១ស្លាប​ព្រាបាយ ​និងទឹកផ្កា ​៣ស្លាប​ព្រាបាយ។ ​អ្នកអាច​ប្តូរពី​ទឹកផ្កា​ ជាទឹកដោះ​គោវិញ​ក៏បាន ​បើអ្នកចង់។ ​លាយធាតុ​ផ្សំទាំង​អស់​បញ្ចូលគ្នា។
លាបវាលើស្បែក និងរង់ចាំរយៈពេល ២-៣នាទី។ រួចលាងសម្អាតវាចេញ​នឹងទឹកក្តៅ​ឧណ្ហៗ។ ​ប្រើវិធី​នេះជារៀង​រាល់ថ្ងៃ​ដើម្បីទទួល​បាន​លទ្ធផល​ល្អបំផុត។

ដំឡូងបារាំង
ដើម្បីកម្ចាត់ស្នាមអុជខ្មៅ ឬស្នាមជាំខ្មៅ គេមានវិធី ២យ៉ាងដោយប្រើដំឡូងបារាំង៖
– បន្ទាប់ពីអ្នកហាន់ដំឡូងបារាំងជាបន្ទះៗរួច ដាក់វាបិទលើស្នាមអុជខ្មៅ។ ​រង់ចាំរយៈ​ពេល ​២-៣នាទី​ រួចលាង​សម្អាត​ផ្ទៃមុខ​នឹងទឹកក្តៅឧណ្ហៗ។
– ជម្រើសទី ២គឺ ម៉ាស់បិទមុខ ធ្វើពីការផ្សំរវាងដំឡូងបារាំង និងទឹកឃ្មុំ។

ប្រទាលកន្ទុយក្រពើ
– បិទសាច់ប្រទាលកន្ទុយក្រពើលើស្នាមអុជខ្មៅ។ ម៉ាស្សាស្បែកថ្នមៗរយៈពេល ២-៣នាទី។
ធ្វើបែបនេះឲ្យបាន ២ដងជាប្រចាំ ដើម្បីឆាប់ឃើញលទ្ធផល។

រមៀត
យកម្សៅរមៀតលាយជាមួយទឹកដោះគោ និងទឹកក្រូចឆ្មា។ លាបវាលើស្បែករបស់អ្នក។ ​រង់ចាំ​រយៈពេល ​២-៣នាទី ​រួចលាង​សម្អាត​នឹងទឹក​ក្តៅឧណ្ហៗ។
ជម្រើសផ្សេងមួយទៀតគឺ ប្រើម្សៅរមៀតលាយជាមួយទឹកឃ្មុំ និងប្រេងអូលីវ។ ​ម៉ាស្សា​វាថ្នមៗ​លើស្បែក​របស់អ្នក។ ​ទុកវា​ឲ្យស្ងួត ​រួចលាង​សម្អាត​នឹងទឹកចេញ។

ល្ហុង
វត្តមានរបស់អង់ស៊ីមក្នុងផ្លែល្ហុងអាចជួយសម្អាតស្បែកអ្នក ​និងកាត់​បន្ថយ​ស្នាម​អុជខ្មៅ។ ​ប៉ាផេន ​ជាប្រភេទ​អង់ស៊ីម​ក្នុង​ផ្លែល្ហុង ​ដែលអាច​ជួយ​កម្ចាត់​កោសិកា​ស្បែកងាប់ ​ធ្វើឲ្យ​ស្បែក​ម៉ត់រលោង។ ​អ្នកអាច​ប្រើផ្លែ​ល្ហុងបាន​តាមវិធី ​២យ៉ាង៖
– យកសាច់ល្ហុងបិទលើស្បែករបស់អ្នក ហើយរង់ចាំរយៈពេល ​២០នាទី។ ​លាង​សម្អាតវានឹង​ទឹកក្តៅឧណ្ហៗ។
– ឈូសល្ហុងខ្ចី លាយជាមួយនឹងទឹកក្រូចឆ្មា។ បិតវាលើស្នាមអុចខ្មៅ ​ហើយរង់ចាំ ​១៥នាទី។​

ទឹកខ្ទឹមបារាំង
ច្របាច់យកទឹកចេញពីខ្ទឹមបារាំង ដោយការកិនឲ្យម៉ដ្ឋល្អ។ ​វាអាច​ប្រើបាន​តាមវិធី ​២បែប៖
– ដាក់សំឡីត្រាល់ត្រចៀកត្រាំក្នុងទឹកខ្ទឹមបារាំង ​រួចលាប​លើស្បែក។ ​ទុកវា​ឲ្យស្ងួត​តាម​ធម្មជាតិ។
– ជម្រើសទី ២លាយទឹកខ្ទឹមបារាំង ជាមួយនឹងទឹកឃ្មុំ ២ស្លាបព្រាបាយ រួចលាបលើស្នាមអុចខ្មៅ ​និងរង់ចាំ​រយៈពេល​ជាង ​២០នាទី។ ​អាច​បន្ថែម​ទឹកខ្មេះចូល ​ប្រសិន​បើស្បែក​អ្នកសម្បូរ​ជាតិ​ខ្លាញ់ច្រើន៕

ផ្តល់សិទ្ធិដោយ៖ មង្គលការ

ជាច្រើនសតវត្សមកហើយ ដែលប្រជាជនជប៉ុនប្រើប្រាស់អង្កដើម្បីព្យាបាលស្បែក ព្រោះវាមានបរិមាណអាស៊ីត linoleic និង squalene ដែលជាសារធាតុប្រឆាំងអុកស៊ីតកម្ម ហើយជួយជំរុញដល់ការផលិតស្រទាប់កូឡាជែនដល់ស្បែក។ សារធាតុធម្មជាតិនេះអាចជួយការពារស្បែករបស់អ្នកឲ្យក្មេងជាងវ័យ និងទប់ស្កាត់ការកើតឡើងនៃស្នាមជ្រួញ។ ជាមួយគ្នានេះផងដែរ វាអាការពារស្បែករបស់អ្នកពីការខូចខាតដែលបង្កឡើងដោយការត្រូវកម្តៅថ្ងៃ។

ខាងក្រោមនេះជារូបមន្តធ្វើរបាំងមុខបែបជប៉ុន ដែលត្រូវបានគេប្រើប្រាស់អស់រយៈពេលជាច្រើនសតវត្សរ៍មកហើយ។

គ្រឿងផ្សំដែលចាំបាច់៖

– អង្ករ ៣ស្លាបព្រាបាយ

– ទឹកឃ្មុំ ១ស្លាបព្រាបាយ

– ទឹកដោះគោ ១ស្លាបព្រាបាយ

របៀបធ្វើ៖

១. រំពុះជាមួយនឹងទឹកមួយកែវឲ្យបាន ២ ទៅ៣ នាទី។

២. ទុកឲ្យត្រជាក់ សឹមច្រោះយកកាកអង្ករ តែកុំទាន់ចាក់ទឹកវាចោល។

៣. បន្ថែមទឹកដោះគោ និងទឹកឃ្មុំចូល រួចកូរឲ្យសព្វល្អ។

៤. ចាប់ផ្តើមអនុវត្តលើផ្ទៃមុខរបស់អ្នក ហើយទុកឲ្យបាន ១០ ទៅ ១៥ នាទី។

៥. លាងសម្អាតផ្ទៃមុខរបស់អ្នកជាមួយនឹងទឹកអង្កដែលអ្នកបានច្រោះទុក។

៦. ដើម្បីទទួលបានលទ្ធផលល្អបំផុត អ្នកគួរតែអនុវត្តវិធីនេះ ១សប្តាហ៍ម្តង៕